Çfarë videosh të krijoni për strategjinë tuaj të marketingut

Një strategji efektive e marketingut të videove duhet të përbëhet nga shumë lloje të ndryshme videosh.

Le të shohim disa nga llojet më të njohura të videove të marketingut për të frymëzuar strategjinë tuaj.

Videot e produkteve

Ndoshta forma më e zakonshme dhe më e njohur e marketingut me video janë rishikimet e produkteve.

Me lulëzimin e blerjeve në internet, bizneset mbështeten shumë më tepër në videot e produkteve për të demonstruar vlerën e mallrave dhe shërbimeve të tyre. Konsumatorët mund të marrin një pamje shumë më të saktë dhe të krijojnë një ide më të qartë kur shohin një produkt në veprim, të vendosur në një vend me kushte të përsosura ndriçimi.

Një video e produktit e bën më të lehtë për klientët të kuptojnë qëllimin e produktit, si mund ta përdorin atë dhe pse është i dobishëm. Videot autentike ndihmojnë gjithashtu për të krijuar një ndjenjë besimi midis klientëve dhe bizneseve.

Gjithçka ka të bëjë me përcjelljen e rëndësisë tek blerësit e mundshëm.

Pikat e vëmendjes së klientit

Ndonjëherë mënyra më efektive për të përcjellë vlerën tek klientët potencialë është t’i lini klientët tuaj aktualë të flasin për ju. 

Çfarë e ngacmon vëmendjen e njerëzve është shfaqja e një videoje qe tregon një nga klientët tuaj i cili tregon eksperiencën e tij me produktin apo shërbimin të cilin ju ofroni. Kjo ju bën më të besueshëm në sytë e klientëve potencialë.

Kur vendoset në format video, ky mesazh mund të ndihmojë:

• Të tregoni ndikimin e biznesit tuaj
• Të shpjegoni efektivitetin e produkteve ose shërbimeve tuaja
• Të nënvizoni imazhin e markës suaj
• Të theksoni llojet e njerëzve të cilëve u shërbeni

Historia e biznesit tuaj

Tregimi i historisë së biznesit tuaj është një mënyrë e shkëlqyer për t’u lidhur me klientët në një nivel personal. Në vend që t’ju shohin vetëm si një ent biznesi të ftohtë dhe të pajetë, klientët mund të shohin elementin njerëzor pas kompanisë.

Ndërsa është e lehtë të grumbullosh disa paragrafë rreth sfondit të biznesit tënd, videoja është shumë më e aksesueshme dhe më e fuqishme se një bllok gjigant teksti.

Mund të flisni për motivin që iu bëri ta krijoni biznesin tuaj, çfarë iu frymëzon, çfarë po u ofroni njerëzve dhe cilat janë planet tuaja për të ardhmen. Tregoni një histori që është unike për ju.

Një lidhje më e thellë mund të çojë në një bazë më besnike klientësh.

Si krijesa vizuale, njerëzit tërhiqen natyrshëm dhe reagojnë ndaj videove. Me një strategji të shkëlqyer video-marketingu, ju mund të kapni dhe mbani vëmendjen e një grupi të gjerë klientësh potencialë.