Resortet e skive rrezikojnë të falimentojnë si pasojë e ndryshimeve klimaterike

Nga Alpet Zvicerane në Malet Shkëmbore, resortet e skive po përballen me ndikimet e ndryshimeve klimatike. Si po përshtaten ata në një botë që po ngrohet?

Anzère njihet si resorti më i madh i skive në Europë. Por fshati zviceran pati një fillim të vështirë të sezonit të tij këtë dimër. Ashtu si shumë resorte të tjera të skive alpine, Anzère u detyrua të mbyllte disa nga pistat e saj për shkak të mungesës së reshjeve të borës dhe reshjeve të shiut në fund të dhjetorit dhe ditët e para të janarit.

Alpet përjetuan temperatura të larta rekord gjatë Krishtlindjeve dhe Vitit të Ri, duke arritur në 20.9 gradë Celcius në Zvicrën veriperëndimore. Për fat të mirë, bora filloi sërish në janar.

Por moti i ngrohtë i kohëve të fundit në të gjithë Alpet është një ogur i asaj që e pret industrinë e skive. Shumë resorte janë të vetëdijshëm se kanë vetëm dy opsione: të mbyllin ose përshtatin modelin e tyre të biznesit për të përballuar kërcënimet në rritje të klimës.

Përveç masave për të reduktuar emetimet e veta, të tilla si duke investuar në energjinë e rinovueshme dhe ndërtimin e centralit më të madh të ngrohjes me dru në Evropë, Anzère po planifikon për një kohë ku skitë mund të mos jetë më të zbatueshme. Ata po investojmë më shumë në shtigjet e biçikletave, të ecjes apo të hiking.

Ndryshimi i klimës po rrezikon zhdukjen e këtij sporti dimëror. Sezonet e skive po bëhen më të shkurtra dhe pistat po bëhen më të gjelbërta me rritjen e temperaturave. 

Kur temperaturat rriten, atmosfera mban më shumë avuj uji, gjë që çon në më shumë reshje. Kur temperaturat rriten, bie shi në vend që të bjerë borë. 

Në vendpushimet e skive me lartësi të ulëta në Europë, thellësia e borës po zvogëlohet me 3-4 cm çdo 10 vjet.

Një tjetër shqetësim i madh është zhdukja e shpejtë e akullnajave. Në Alpet Europiane, akullnajat pritet të zhduken pothuajse plotësisht deri në vitin 2100. Me rritjen e temperaturave, akulli i akullnajave shkrihet më shpejt dhe ka më pak borë të freskët. Shkrirja e akullnajave mund të çojë në përmbytje të rënda dhe erozion në luginën poshtë malit dhe të rrisë rrezikun e ortekëve, duke shkatërruar infrastrukturën kritike si dhe duke reduktuar ndjeshëm furnizimin me ujë për komunitetet malore lokale.

Bota aktualisht është në rrugën për një ngrohje mesatare prej 2.7 gradë Celcius deri në vitin 2100. Megjithatë, nëse rritja e temperaturës globale mbahet nën 2 gradë Celcius, ulja e mbulesës së borës do të kufizohet deri në 30%.

Rritja e temperaturave dhe rënia e reshjeve të borës po shkurtojnë sezonin dimëror të skive, një tendencë shqetësuese për komunitetet malore, jetesa e të cilëve varet nga industria e sporteve dimërore.

Resortet e skive po përpiqen të qëndrojnë të hapura për të gjithë sezonin e tyre dhe t’u ofrojnë turistëve mjediset piktoreske të mbuluara me borën që ata presin.

Për ta bërë këtë, ata janë duke shfrytëzuar makina të mëdha bore të cilat mbushin pistat me borë të bardhë të freskët.

Një studim nga Universiteti i Bazelit në Zvicër paralajmëron se resortet që ndodhen nën 1800-2000 m, do të duhet të mbështeten gjithnjë e më shumë në borën artificiale për të mbajtur të hapura vetëm pistat e tyre më të larta të skive.

Studimi parashikon gjithashtu një rritje të madhe të kostove operacionale për vendpushimet e skive nëse ata janë të detyruar të përdorin borë artificiale. Kjo për shkak se makineritë që shpërndajnë borën punojnë me lëndë djegëse fosile ndotëse. 

Ndërkohë, disa resorte kanë përdorur mbulimin e akullnajave në male me batanije mbrojtëse për të ndaluar shkrirjen e tyre gjatë verës. Të bëra nga materiali sintetik i bardhë rezistent ndaj UV-së, batanijet mbrojnë borën e trashë të dimrit nga rrezet e diellit gjatë muajve të ngrohtë të verës. 

Këto masa afatshkurtra nuk do ta mbrojnë industrinë nga kërcënimi i afërt i klimës. 

Pavarësisht kësaj perspektivë e zymtë, shumë vendpushime kanë miratuar qëllime ambicioze dhe afatgjatë të qëndrueshmërisë në një përpjekje për të reduktuar emetimet e tyre dhe për të mbrojtur burimet e tyre natyrore, duke qenë se të gjitha këto zgjidhje shkaktojnë ndotje në atmosferë dhe ndikojnë drejtpërdrejtë në ndryshimin e mëtejshëm të klimës.

Resortet malore të skive po shpresojnë se turistët do të vazhdojnë të vizitojnë malet edhe nëse nuk ka borë. 

BBC